စစ်ကိုင်းမြို့နယ် မြရတနာရပ်ကွက် တွင် အလှူရှင် ကိုကြီး မှ လှူဒါန်းသော အ၀ီစိရေတွင်း၊လေမှုတ်စက်၊အင်ဂျင်၊ရေကန် ရေစက်ချပွဲ အခမ်းအနားကို ၁၂.၁၂.၂၀၀၉ ရက်နေ့တွင် ကျင်းပခဲ့ပါတယ်။ ကိုကြီးတို့မန္တလေးကိုမနက် အစော (၄)နာရီမှာရောက်ကြပါတယ်။ မန္တလေး မှကိုညီညီရဲ့ အကို တိုက်ခန်းတစ်ခုမှာ အနားယူကြပြီး နံနက် ၈ နာရီ ခွဲတော့ ကိုထက် မှကားဖြင့် ဦးပညာဝံသနှင့်အတူ ကိုကြီးတို့ကို သွားကြိုခဲ့ပါတယ်။ စစ်ကိုင်းကို နံနက် (၉)နာရီကျော် မှာတော့ ကျောင်းသို့ ကားဖြင့်ဝင်လာ ကြပါတယ်။ ကိုကြီးတို့ကို ကျောင်းမှာချထားခဲ့ပြီင်္း ကိုထက်နှင့် ကိုဖြိုးတို့မှ မြရတနာ ရွာဦးကျောင်းအတွက် ဆွမ်းချိုင့်ပို့ကြပါတယ်။ အဲဒီနောက်မှာတော့ ဆရာတော်ကြီးများကို ကိုကြီးနှင့်အတူဒါယကာ ကိုထက် နှင့်ကိုဖြိုးတို့မှ နေ့ဆွမ်းကပ်လှူကြပါတယ်။